ചരിത്രപരമായ വിലവര്‍ദ്ധനവ്:
കഴിഞ്ഞ വര്‍ഷങ്ങളില്‍ തപാല്‍ നിരക്കുകളില്‍ ക്രമാനുഗതമായ വര്‍ദ്ധനവാണ് ഉണ്ടായത്. 2022~ല്‍ ശരാശരി 4.6 ശതമാനമായിരുന്ന വിലക്കയറ്റം, 2025~ല്‍ 10.48 ശതമാനമായി ഉയര്‍ന്നു. എന്നാല്‍ പുതിയ പദ്ധതിയോടെ ഈ വര്‍ദ്ധനവ് ഇരട്ടിയോളമാകും. പാക്കറ്റ് അയക്കുന്നതിനുള്ള നിരക്കുകളും വരും ദിവസങ്ങളില്‍ വര്‍ദ്ധിക്കുമെന്നാണ് സൂചന.
സ്ററാന്‍ഡേര്‍ഡ് കവറിന് ഇനി എത്രയാകും?
നിലവില്‍ 20 ഗ്രാം വരെ ഭാരമുള്ള ഒരു സ്ററാന്‍ഡേര്‍ഡ് കവറിന് 95 സെന്റാണ് നിരക്ക് വരുന്നത്. പുതിയ വിലക്കയറ്റ പ്രകാരം ഇത് 1.14 യൂറോ വരെയായി ഉയരാം. പോസ്ററ് ഓഫീസുകള്‍ 5 സെന്റിന്റെ ഘട്ടങ്ങളായി നിരക്ക് വര്‍ദ്ധിപ്പിക്കുകയാണെങ്കില്‍ ഇത് 1.10 യൂറോയോ 1.15 യൂറോയോ ആയി മാറാനും സാധ്യതയുണ്ട്. 2012~ല്‍ 55 സെന്റ് മാത്രമായിരുന്ന സ്ഥാനത്താണ് ഇപ്പോള്‍ നിരക്ക് ഇരട്ടിയോളമായി വര്‍ദ്ധിക്കുന്നത്.
യൂറോപ്യന്‍ രാജ്യങ്ങളുമായി താരതമ്യം ചെയ്യുമ്പോള്‍:
മറ്റ് യൂറോപ്യന്‍ രാജ്യങ്ങളുമായി താരതമ്യം ചെയ്യുമ്പോള്‍ ജര്‍മ്മനിയിലെ തപാല്‍ നിരക്കുകള്‍ ഇപ്പോഴും താരതമ്യേന കുറവാണ്. ഓസ്ട്രിയയില്‍ ഒരു യൂറോയും നെതര്‍ലാന്‍ഡില്‍ 1.40 യൂറോയുമാണ് ഒരു സ്ററാന്‍ഡേര്‍ഡ് കവറിന്റെ നിരക്ക്. എന്നാല്‍ ഫ്രാന്‍സില്‍ ഇത് 1.52 യൂറോയാണ്, ഇത് വര്‍ഷാവസാനത്തോടെ 1.67 യൂറോയായി ഉയരുമെന്ന് പ്രഖ്യാപിച്ചിട്ടുണ്ട്.
ഡിജിറ്റല്‍ യുഗവും തപാല്‍ മേഖലയിലെ പ്രതിസന്ധികളും:
ഡിജിറ്റല്‍വല്‍ക്കരണത്തിന്റെ ഭാഗമായി ഇമെയിലുകളും ചാറ്റ് സന്ദേശങ്ങളും വ്യാപകമായതോടെ വര്‍ഷങ്ങളായി കത്തുകളുടെ ഉപയോഗത്തില്‍ വന്‍ കുറവാണ് രേഖപ്പെടുത്തുന്നത്. 2005~ല്‍ ജര്‍മ്മനിയില്‍ 16.9 ബില്യണ്‍ കത്തുകള്‍ അയച്ചിരുന്ന സ്ഥാനത്ത്, 2025~ല്‍ ഇത് 9.4 ബില്യണായി കുറഞ്ഞു. എന്നാല്‍ ജീവനക്കാരുടെ ചെലവുകളും പോസ്ററ് ഓഫീസുകളുടെയും പോസ്ററ് ബോക്സുകളുടെയും പരിപാലനച്ചെലവുകളും നിരന്തരം വര്‍ദ്ധിച്ചുകൊണ്ടിരിക്കുന്നതാണ് നിരക്കുകള്‍ കൂട്ടാന്‍ ഡച്ച് പോസ്ററിനെ നിര്‍ബന്ധിതരാക്കുന്നത്.
Comments: